Tempo pasas kaj transpasas
la kradojn de l’ kalendar’…
Tagoj, semajnoj, monatoj:
vortoj, fotografiaĵoj
jen la poeton defias.
Denove majo hezitas:
ĉu varm’aŭ malvarm’ ĉi-foje?
Sed ne gravas por la koro
la kapricoj de l’ klimato:
atentas ĝi l’animvoĉon.
La datreveno alarmas,
kiel sonoril’ en lernej’,
kie maldiligentuloj
tute mallerni bezonas
la erarajn lecionojn.
Ĉu la vivtempo sufiĉos?
Tiom da studo valoras
sub la polv’ de inercio?
Juiz de Fora, 22/05/2019.