Ĉu vi iam vidis vivan kadavron? Kaj nevivan? Vivan kadavron vi ne vidis? Tia estas mi. Viva. Tamen kadavro. Ĉu vi ne kredas? Kaj mi ne kredas. Sed mia edzino nomis min tiel. En lito.
Ununokte ni ĵus enlitiĝis, kaj mi aŭdas:
-Leporeto..., leporeto...
Mi tuj ŝaltis lumon kaj diras al mia edzino:
-Kiel vi en mallumo ekvidis leporon, eble tio estis muso?
Tamen ŝi tre kolere ekrigardis min kaj diris:
-Vi estas leporo. Ĉu vi ne komprenas?
Mi diras al ŝi:
-Kia leporo mi estas? Leporo estas jen kun tiaj longaj oreloj, sed mi, ekzemple, aŭdis kiel nia najbaro parolis, ke mi jam estas kun kornoj.
Ŝi responde diris al mi:
-Do, ĉu vi jam scias, ke vi estas alko kun kornoj?
Mi diras al ŝi:
-Pro kio ĉi tie estas ligita alko? Ĉu vi estis en zoologia muzeo kaj tie vidis remburaĵojn?
Sed ŝi responde diris:
-Ĉi tie vi estas remburaĵo, ĉar vi kuŝas. Vi estas viva kadavro.
Mi respondis:
-Mi ankoraŭ ne vidis, ke homoj starus en la lito.
Kaj ŝi diras:
-Sed mi vidis, ke en lito oni staras.
Mi rediris:
-Kie vi vidis, eble en la kinejo?
Kaj ŝi respondis:
-En kia kinejo? En lito, en nia lito.
Kaj mi elbuŝis:
-Ĉu, eble, elektristo venis kaj elektrolampon ŝanĝis?
Ŝi redire ridetis:
-Vi ne divenis, akvokondukila teknikisto estis kaj en lito staris. Kaj ne nur en lito staris; en banĉambro, en kuirejo. Kaj ne unu fojon.
Mi ekmiris:
-Nu, en kuirejo kaj en banĉambro, mi komprenas, li akvokranojn riparis, sed en la lito kion faris?
Kaj ŝi moke rediris:
-Vi ne komprenos, ĉar vi estas nek akvokondukila teknikisto, nek brulestingisto.
Mi plu miras:
-Sed brulestingisto kion faris? Ĉu li ankaŭ riparas akvokranojn?
Ŝi decideme diras al mi:
-Ne. Kiam akvokondukila teknikisto ne povas, mi iras al brulestingisto.
Kaj mi scivole demandis:
-Kaj kion vi faras tie, ĉe brulestingisto? Ĉu akvokranojn riparas?
Ŝi respondis:
-Ne, li brulegon estingigas al mi.
Mi demandas:
-Sed kiu ekbruligas ĝin?
Ŝi diras: Ĝi mem ekbruliĝas.
Tiam mi diras:
-Do, kiam ĝi ekbruliĝas, mi povas per brulestingilo likvidi ĝin.
Ŝi parolas:
-Vi per via brulestingilo povas nur balanci, sed brulestingisto povas estingi ĝin per elasta tubo.
Mi miras:
-Ĉu estas diferenco?
Ŝi klarigas:
-Vidu vi, la elasta tubo de brulestingisto ne ĉiam pendas, sed via brulestingilo se ne pendas, tiam kuŝas.
Mi klarigas al ŝi:
-Kuŝas nur difektita brulestingilo, sed bona pendas.
Ŝi ne ĉesas:
-Nome tia estas via brulestingilo...
Mi respondis:
-Mi ne komprenas.
-Vi neniam komprenos,- ŝi diras,-pro tio, ke vi estas viva kadavro.
-Mi ne komprenas ial, en kiu loko mi estas viva kaj en kiu- kadavro,- mi scivolas.
Ŝi klarigas al mi:
-Kiel akvokondukila teknikisto kaj brulestingisto vi estas kadavro. Sed kiel monujo, vi estas viva kaj pro tio mi kun akvokondukila teknikisto kaj brulestingisto tre amas vin.
-Malgraŭ tio mi estas viva, ĉu?- mi scivolas.
-Tre, treege viva kadavro,- respondis ŝi.
Do, jen. Mi demandas vin, ĉu vidis vi iam la vivan kadavron?