La papera eldono el 2010, kun 49 originalaj desegnaĵoj, estas aĉetebla ĉe la Internacia Esperanto-Instituto.
Inter 1920 kaj 1930 Andreo Cseh vojaĝis tra Eŭropo por instrui Esperanton. Li evoluigis novan metodon, dum kiu li ekskluzive parolis Esperanton. Komence li lernigis konkretajn vortojn kiel tablo, kreto, skribi, fermi, granda, longa, sed poste ankaŭ ne montreblajn nociojn.
De tempo al tempo iuj demandis dum leciono la signifon de vorto. Cseh respondis per la jam lernitan leksikon. Ili inventis tiam spritajn aŭ petolajn formulaĵojn. Cseh kolektis tiujn ĉi kaj kompilis el ili vortaron en 1930.
Notu ke ekzistas diferencoj inter la eldonoj, rezulte de la ĉiam ŝanĝiĝanta mondo.
© Internacia Esperanto-Instituto, Hago www.iei.nl
Foto: Aŭgust Weide
1-a eldono 1930
2-a eldono 1932
3-a eldono 1984
4-a eldono 1991
5-a eldono 1997
6-a eldono 2010
7-a kaj reta eldono 2021
Antaŭparolo al la unua eldono
En la esperantaj konversacioj la gelernantoj ofte aŭdis la demandon: ‘Kion signifas tiu vorto?’
Ĉar mi ne komprenas la naciajn lingvojn, ili devis doni la respondojn en Esperanto. En tiuj gravaj momentoj naskiĝis la difinoj kaj klarigoj, kiujn entenas ĉi tiu libreto.
La difinoj estas plejparte ŝercaj, sed tamen ĉiam trafaj kaj spritaj. Ili atestas pri la lerteco kaj spriteco de la lernanta publiko kaj pri tio, ke la rektmetoda kurso estas valora gimnastiko por la cerbo.
La libreto volas esti nur modesta memoraĵo pri la horoj de la konversacioj.
Al la aŭtoroj de la difinoj, al miaj karaj gelernintoj, mi esprimas sinceran gratulon kaj varman dankon, ĉar mi multe lernis de ili.
Andreo Cseh, Hago 1930
A
aboni
antaŭpagi gazeton
aĉeti
doni monon kaj ricevi objekton
-ad- (sufikso)
faras dum longa tempo
adiaŭi
svingi poŝtukon ĉe foriro
adreso
vortoj sur koverto
aero
pli maldika ol akvo; birdoj kaj aeroplanoj en ĝi
aeroplano (= aviadilo)
malnatura birdo; fluganta ĉambro
Afriko
varma mondparto kun Saharo
aĝo
sekreto de virino
-aĵ- (sufikso)
objekto
akvo
ĝi ne havas koloron, povas esti en glaso, rivero, maro, oceano; homoj kaj bestoj ne povas vivi sen ĝi.
alfabeto
literaro
alia
alta
longa supren
ami
ama letero
letero kun belaj (sed ne veraj) vortoj
amanto
viro, kiu aĉetas multajn florojn, ĉokoladojn kaj ringon
aminto
amonto
sinjoro, kiu serĉas la adresojn de riĉaj patroj
Amazono
longa-longa rivero kun krokodiloj
ambaŭ
du
Ameriko
mondparto kun Amazono kaj Apalaĉaj Montoj
amiko
-an- (sufikso)
homo, kiu apartenas al iu grupo
animo
la nevidebla parto de la homo
aparato
malsimpla objekto, kiu faras malfacilan laboron anstataŭ homo
aparteni (al)
esti (ies)
apetito
deziro manĝi (ĝi estas granda kaj bona)
apud
tre proksime
-ar- (sufikso)
multaj kune
arbo
verda vivaĵo aŭ besto, kiu manĝas, trinkas, dormas, sed ne iras kaj ne parolas, havas nur unu piedon kaj ĝi startas en la tero
arterio
tubo en la korpo
atenti
bone rigardi kaj aŭskulti
aŭdi
aŭskulti
malfermi la orelojn
aŭtomobilo
malgranda ĉambro, kiu iras rapide sur strato kaj faras bruon kaj malpuran aeron
aŭtuno
griza sezono kun oftaj pluvoj
avo
azeno
besto kun forta karaktero
Azio
la plej granda mondparto
B
balono
aero kun haŭto
bani (sin)
barbo
longaj haroj sub la buŝo de sinjoro
bastono
bati
tuŝi forte kaj malelegante per la mano aŭ per la pedagogia objekto
bela
la plej grava kvalito, la spegulo diras ĝin al sinjorinoj
benko
longa seĝo
besto
bezoni
devi havi
biblioteko
ĉambro kun libroj kaj silentaj homoj
biero
malvarma flava aŭ bruna forta akvo, sinjoroj ŝatas ĝin
bildo
kolora objekto; se ĝi estas moderna, homoj rigardas ĝin, sed ne komprenas ; se ĝi estas malmoderna, homoj komprenas ĝin, sed ne rigardas
bileto
malgranda papero kun frazo: vi bezonas ĝin por viziti kinejon
birdo
dupieda besto, kiu flugas en la aero
blanka
malnigra; koloro de la neĝo
blinda
ne povas vidi
blindulo
homo legas per la fingroj
blonda
blovi
fari venton per la buŝo
blua
la koloro de la bona ĉielo
boato
naĝanta ĉambreto sen plafono
bona
bonvolu
etiketa vorto, kiu signifas: faru!
bopatrino
la plej grava kaj bona persono en la familio
botelo
junaj homo trinkas el ĝi
bovino
branĉoj
mano de arboj
brando
forta-forta-forta akvo en tre malgranda glaso, ĝi faras grandan apetiton
briko
malgranda ruĝa parto de muro
brili
doni lumeton
bruna
la koloro de ĉokolado
brusto
la supra duono de la trunko, en ĝi estas la koro
buŝo
la granda kaj plej grava pordo sur la kapo
butero
flava, mola manĝaĵo el lakto; oni ofte metas ĝin sur la panon
butono
la ŝlosilo de vesto
C
cent
10 x 10
cerbo
griza mola objekto en la kapo, tre grava dum la vivo
cifero
litero de nombro
cigaredo
blanka, danĝera, longa objekto en la buŝo
cikonio
birdo, kiu alportas infanojn
cinciminciĉurmur
nomo de la kato de Andreo Cseh
Ĉ
ĉ
la kapo de la ĝeneralaj vortoj
ĉambro
parto de domo ; skatolo de homoj
ĉarma
knabino, kiu faras vin varma interne
ĉapelo
ĉefa
la plej grava
ĉevalo
granda, inteligenta, utila besto, kiu donas al homoj sian forton kaj al malriĉaj homoj ankaŭ viandon
ĉi
proksima
ĉielo
la plafono de la mondo
ĉokolado
bruna ŝlosilo de la koro
D
danci
elegante levi la piedojn
dancanto
homo, kiu flugas sur la planko
danconto
sinjoro, kiu faras longan dialogon kun la spegulo
danki
peti ankoraŭ
decembro
monato de festoj
demandi
dento
desegni
fari bildon per krajono
deserto
la krono de manĝo
devi
esti necese
deziri
voli
diferenci
dika
kvalito de kastelaj muroj
dimanĉo
la plej bona tago de la semajno
diri
direktoro
la riĉa homo en fabriko
diskreta
kiu ne demandas pri sekretaj aferoj, ĉar ne volas ĝeni
diversa
malegala
dividi
fari erojn
doktoro
homo, kiu sanigas aŭ mortigas aliajn homojn
dolĉa
tia estas ĉokolado kaj amata junul(in)o
domo
donaci
vi donas kaj ne petas monon
doni
dormi
kuŝi viva, sed nenion aŭdi nek vidi
dorso
malantaŭa parto de la trunko
dum
en la tempo
E
-ebl- (sufikso)
oni povas
edukado
procezo, ĉe kiu komence oni instruas la infanon paroli kaj fine… silenti
edzo
malfeliĉa viro kun ringo
-eg- (sufikso)
tre granda
egala
ne estas diferenco
-ej- (sufikso)
loko
ekster
mal-en
ekzemplo
parto, kiu montras, kia estas la tuto
elefanto
granda besto kun longa-longa nazo
eleganta
kvalito de sinjorinoj kaj sinjoroj, kiuj montras sin al aliaj homoj
elekti
preni la plej bonan
elektro
la forto en la lampo
-em- (sufikso)
deziri
-er- (sufikso)
plej malgranda parto de la tuta objekto
eraro
Esperanto
-et- (sufikso)
tre malgranda
etaĝo
ĉambroj super ĉambroj
etiketo
la plej grava regulo de la vivo; ĝi diras: estu ĝentila kaj diru nur belajn (sed ne verajn!) vortojn
Eŭropo
malgranda mondparto, okcidente de Azio
F
fabriko
granda malpura domo kun maŝinoj
facila
kvalito de Esperanto
fali
ne resti en la aero, sed iri al la tero
familio
multaj homoj en unu hejmo
fantazio
fabriko de belaj bildoj en la kapo
fari
la demanda vorto de verboj
farti
senti sin
feliĉa
juna + forta + sana + riĉa
fenestro
bona homo eniras tra pordo, la malbona homo tra la fenestro
fianĉo
feliĉa viro, kiu havas ringon
fidela
kvalito de hundoj kaj veraj amantoj
filo
filozofo
homo, kiu multe multe pensas
fingro
ringotenilo
fiŝo
senpieda kaj silenta besto en akvo
flago
la plej festa tuko; ĝi diras: ‘mi apartenas al lando aŭ homgrupo
flari
trinki la odoron per la nazo
flava
la koloro de la suno
floro
flui
iri kiel akvo
flugi
naĝi en la aero
folio
forgesi
foriri el la kapo
forno
forta
kvalito de bona kafo
fratoj
homoj, kiuj havas la samajn gepatrojn
fraŭlo
li serĉas amatinon
fraŭlino
la floro de la familio
frazo
vortoj inter granda litero kaj punkto
freŝa
tio, kio ne longe kuŝis en ŝranko
frue
matene je la sepa horo
frukto
la plej bona parto de arbo
frunto
libera loko super la okuloj ĝis la haroj
fulmo
tre mallonga forta lumo en la ĉielo
fulmotondro
skandalo en la ĉielo
fumi
tenas cigaredon en la buŝo kaj la cigaredo iras en la homon kaj en la aeron
fundamento
G
gajni
ricevi monon sen laboro
ganto
ŝuo por la mano
gasto
eleganta sinjoro, kiu vizitas familion kaj havas grandan apetiton
gazeto
granda taga papero kun freŝaj skandaloj
ge- (prefikso)
li kaj ŝi
gimnastiko
faras interesajn movojn per manoj kaj piedoj
glacio
malmola akvo
glaso
loko de trinkota akvo, vino ktp
globo
preskaŭ la formo de la tero
gramatiko
moderna labirinto, el kiu homoj ne povas eliri
granda
kvalito de apetito
gratuli
kredi, ke li estas feliĉa
grava
kvalito de la demandaj vortoj
graveda
havi dikan ventron
griza
la koloro de malgranda doma besto, kiun kato ŝatas
grupo
malgranda kvanto
Ĝ
ĝardeno
privata parko
ĝentila
paroli elegante, diri belajn (ne verajn) vortojn
ĝis
mallonga esperantista saluto, kiam vi foriras
ĝis revido
la esperantisto saluto
ĝisrevidohoro
nomo de tiu horo, je kiu la konversacio finiĝas
ĝoji
esti feliĉa kaj bonhumora
H
haroj
haŭto
natura vesto de homo havi
aparteni al li hejmo
dolĉa loko, kie la homo estas dum nokto helpi
fari parton de ies laboro hieraŭ
antaŭhodiaŭ historio
en ĉi tiu tago homo
la plej inteligenta dupieda besto horo
parto de tago
horloĝo
hotelo
hundo
I
-id- (sufikso)
filo
-ig- (sufikso)
fari ĝin tia
-iĝ- (sufikso)
veni en novan staton
ili
li + li + ŝi + ŝi + ĝi + ĝi
infano
malgranda homo, kiu ŝatas ĉokoladon kaj demandojn
inĝeniero
homo, kiu faras maŝinojn
indiĝeno
ido de la unuaj loĝantoj de la mondparto
inko
lakto de plumo
instrui
instruisto
granda homo en lernejo kun la pedagogia meblo en la mano
insulo
tero staranta en rivero, maro aŭ oceano
interesa
kvalito de esperantaj libroj kaj periodaĵoj
J
jako
vesto sur la trunko kaj la brakoj
jaro
tricent sesdek kvin tagoj
jes
juna
kvalito de tiu homo, kies koro estas varma
Ĵ
ĵeti: meti malelegante
K
k
la kapo de demandaj vortoj
kafo
nigra akvo, multaj homoj ŝatas ĝin
kaj
araba gumo de frazoj
kajero
maldika libro kun puraj folioj
kalendaro
objekto, kiu montras la jarojn, monatojn, semajnojn kaj tagojn
kalkuli
la riĉulo ŝatas
kameleono
malgranda besto, kiu ŝanĝas sian koloron
kampo
la verda tero de lando
kanalo
malnatura rivero
kandelo
lumigilo de pastro
kanti
fari muzikon per la buŝo
kapo
loko de ĉapelo
kara
proksima la la koro
karafo
skatolo por akvo
karesi
ame move tuŝi
karno
kaso
la plej grava parto de vendejo
kato
malfidela mola besto, kiu kantas nokte sur tegmentoj
kelka
ne multa
kelnero
homo en manĝejo, kiu iras rapide
kinejo
teatro kun bildoj kaj sen lampoj
kisi
knabo
infano ‘li’
kofro
granda vojaĝa skatolo
koko
kolo
loko por pendigi belajn kravatojn
koloroj
blua, ruĝa, nigra, verda
kombi
komenci
malfini
komerco
laboro, per kiu homo rapide fariĝas riĉa
kompreni
ekhavi lumon en la kapo
komputilo
hejmo de informoj
komuna
apartenas al ĉiu
koni
scii, kiu aŭ kio estas li, ŝi aŭ ĝi
kongreso
multaj homoj en granda ĉambro sidas, parolas, sed ne komprenas (se ĝi ne estas esperanta) aŭ komprenas (se ĝi estas esperanta)
kontinento
mondparto
kontroli
rigardi, ĉu ĉio estas en ordo
konversacio
la nomo de la esperanta kurso
koro
malgranda domo kun kvar ĉambroj, kie loĝas amo
korekti
bonigi
korespondi
korpo
la videbla parto de la homoj
kosti
havi prezon
koverto
vesto de letero
krajono
plumo sen inko
kranio
la forta skatolo por la cerbo
kredi
maldubi
kredito
komercisto kredas, ke aĉetanto pagos poste
kremo
dika supra parto de lakto
kreto
krajono por nigra tabulo
krokodilo
granda fiŝo kun kvar piedoj en Afriko, povas plori same kiel homoj
krono
la plej bela ĉapelo
kruĉo
poto sur la kapo de virino
kruro
grava parto inter la trunko kaj la piedo
kuiri
fari manĝaĵon
kun
malsola
kuracisto
mastro super vivo kaj morto
kuraĝa
kiu ne timas
kuŝi
kvalito
vorto kun la lasta litero ‘a’
L
labori
laboristo
forta malriĉa homo en fabriko
laca
malforta, ĉar laboris aŭ dancis
lago
staranta akvo en lando
lakto
lama
kiu ne povas iri bone
lampo
malnatura suno en ĉambro
lando
parto de kontinento kun ofte unu lingvo
lango
longa ruĝa objekto la buŝo
larĝa
kvalito de tiu strato, en kiu tridek homoj povas iri unu apud la alia
lasta
malunua
laŭdi
diri, ke la homo aŭ objekto estas bona
lavi
legi
la okuloj promenas sur frazoj
lerni
lernejo
domo, kiun lernantoj kaj instruistoj malŝatas
letero
papero kun frazoj en koverto spegulo de la koro
levi
meti en pli altan lokon
libera
povas fari, kion li volas
libro
objekto el multaj paperoj kun vortoj kaj frazoj
lipoj
la videblaj ruĝaj partoj de la buŝo
listo
multaj vortoj, unu sub la alia
lito
litero
parto de vorto
logiko
ĝusta pensado
loĝi
havi hejmon
loko
tio, kio estas sub, apud, ĉirkaŭ objekto
longa
kvalito de azenaj oreloj
loterio
ludi
laboro de infano
luno
M
maldekstra
la loko de la koro
malseka
kvalito de homo, kiu staras en la pluvo
mano
manĝi
meti objektojn en la buŝon
mapo
bildo de la mondo sur papero aŭ ekrano
maro
granda natura ujo kun akvo
mastro
maŝino
objekto, kiu laboras
matematiko
scienco pri nombroj
mateno
la tempo, kiam infanoj iras en lernejon kaj redaktoroj iras hejmen
memori
mendi
peti: ‘sendu/donu’
merkredo
tago en la mezo de semajno
meti
mezo
centro
mi
la plej grava persono de la mondo
milito
minus
malplus
minuto
moderna
kvalito de sinjorinoj en ĉiuj tempoj
mola
kvalito de butero kaj bona koro
momento
monato
parto de jaro
mono
mondo
la plej granda objekto
monto
montri
morgaŭ
posthodiaŭ
morti
iri en la pli bonan mondon
movi
multa
mal-unu
muro
dika, forta parto de ĉambro; sur ĝi ofte pendas spegulo
muso
malgranda griza besto en domo
muŝo
malgranda nigra doma besto kun ses piedoj kaj du flugiloj
muta
kvalito de tiu, kiu ne povas paroli
muzeo
domo, kie oni ne tuŝu la objektojn
muzo
la ŝlosilo de poeto
muziko
bildo, kiun oni vidas per la oreloj
N
n
la plej malfacila litero en Esperanto
naĝi
iri en akvo per la manoj kaj piedoj
naĝilo
per ĝi la fiŝoj naĝas
naski
venigas en la mondon
naskiĝi
veni en la mondon
naturo
kion ne homoj faris
nazo
la parto de la kapo, per kiu la homoj tuŝas florojn
ne
la plej mallonga frazo
nebulo
neĝo
la blanka vesto de tero
nesto
hejmo de birdo
ni
mi + vi
nigra
malblanka
nokto
nomo
vorto kun la lasta litero ‘o’
nombro
vorto el ciferoj
nordo
nova
kio ne estis hieraŭ
nubo
griza vesto de la ĉielo
nuda
homo sen vestoj
nun
en ĉi tiu tempo
nur
ne pli
O
objekto
ne besto, ne homo
odoro
parto de floro, kiu iras en la nazon
ofte
en multaj tempoj
okcidento
tie malaperas la suno
okuloj
la fenestroj de la kapo
ombrelo
tegmento por unu persono
oni
la homoj
onklo
operacio
kuracisto tranĉas en homo
optimisto
homo, kiu vidas la mondon en bela koloro
oreloj
oriento
tie iras la suno al la ĉielo
originala
la poeto sola faris, ne legis en libro de alia poeto
osto
malmola blanka parto de la korpo
ovo
manĝaĵo; kokinoj faras ĝin ĉiutage
P
paco
popoloj estas amikoj
pagi
doni monon
pano
la plej grava manĝaĵo krom rizo
pantalono
vesto por kovri la krurojn
papo
homo kisas la teron
paradizo
la plej bela loko
pardoni
voli forgesi la malbonon
parko
loko kun arboj, kie homoj promenas
paroli
vortoj iras el homo
paŝi
levi kaj mallevi la piedojn sur strato
patro
pedagogio
el infano fari homon
pentri
fari bildon
perdi
persono
vivulo
pesimisto
homo, kiu vidas la mondon en malhela koloro
peti
elegante diri: ‘donu al mi!’
piedo
mal-mano
pingveno
birdo, kiu ne flugas
placo
strato same longa kiel larĝa
plaĉi
objekto estas al mi bela aŭ bona
plafono
la ĉielo de la ĉambro
planko
malplafono
plena
enhavi la tutan kvanton
plori
akvo venas el okuloj
plugi
tranĉi teron
plumo
krajono, el kiu venas inko
pluvi
la ĉielo ploras
poemo
mallonga fantazio sur papero
poeto
pomo
la plej danĝera frukto (laŭ la biblio)
popolo
ĉiuj homoj de unu lando
pordo
truo en la muro por homoj
porko
la plej malpura, dika doma besto
porti
iri kun objekto
portreto
fantazia bildo de homo
poŝo
grava parto de vesto, en ĝi estas mono
poŝtmarko
malgranda grava bildo sur koverto
povi
scii ne per la kapo, sed per la manoj, piedoj kaj aliaj partoj
prefikso
vorteto antaŭ radiko, kiu faras novan vorton
preĝi
paroli al la plej granda sinjoro
preĝejo
la plej alta historia domo en vilaĝo
preni
malmeti
princo
reĝido
printempo
la plej bona sezono de la jaro
proksima
apud mi
promeni
iri sen speciala celo, por plezuro
protesti
diri: "ne!"
pulmo
parto en la brusto, kiu prenas aeron
punkto
la plej malgranda ‘litero’, kiu staras post frazoj
pupo
ludilo por infanoj aŭ viroj
pura
tio, kion homoj ne tuŝis
R
radiko
rapide
rano
malgranda besto, kiu saltas kaj diras kvak kvak
redaktoro
homo, kiu kritikas la tutan mondon
regulo
la malfacila parto de gramatiko
reĝo
mastro de lando kun krono
rekomendi
hipnotizi aĉetanton
respondi
maldemandi
resti
ne foriri, sed stari sur la malnova loko
ricevi
veni al mi
riĉa
kvalito de tiu, kiu havas dikajn poŝojn
ridi
rigardi
rikolti
preni la fruktojn
ringo
grava objekto sur la fingro, kiu signifas: ‘li esas edzo’
ripeti
denove fari
ripozi
riproĉi
bati per vortoj
rivero
longa fluanta akvo en lando
rizo
kolego de pano
romano
interesa libro pri amo
rompi
preni malmolan objekton kaj fari partojn
rozo
ruĝa ŝlosilo de la koroj
ruĝa
S
Saharo
loko, kie dum jaroj ne pluvas
sako
skatolo el tuko
salo
salti
iri kaj reiri supren
saluti
fari etiketan gimnastikon
sama
pli ol egala
sana
kiam la partoj de la korpo funkcias bone
sango
la ruĝa akvo en la korpo
seĝo
grava meblo; homoj sidas sur ĝi
sekreto
diplomatoj kaj geamantoj havas ĝin
sekretario
prezidonto
sekundo
parto de minuto
semi
ĵeti malgrandajn objektojn en teron
semajno
sep tagoj
sen
mal-kun
sendi
diri: ‘iru!’
senti
la mondo iras en la kapon
serĉi
servi
fari laboron por alia homo
sidi
esti sur seĝo
signifi
esti la sama en alia lingvo aŭ per aliaj vortoj
silenti
simpla
kvalito de la esperanta gramatiko
skandalo
forto kaj kuraĝa, sed ne eleganta parolo
skatoto
lito de ĉokoladoj
skribi
meti vortojn sur paperon
skribata letero
letero, kiu iras el la plumo
skribota letero
letero, kiu estas en la kapo kaj en la koro
skribilo
per ĝi homoj faras vortojn sur papero
soifa
voli trinki
sola
somero
malvintro
sonĝi
dormi kaj vidi fantaziajn bildojn
sorĉi
fari el rano princon
spegulo
spiri
movi la bruston stacidomo
tie staras la trajnoj stari
esti sur la piedoj kaj ne iri
stelo
tre malgranda nokta lampo en la ĉielo
stomako
strato
longa kaj maldika parto de urbo kun domoj, aŭtomobiloj kaj homoj
strio
sub
mal-sur
sudo
sufikso
vorteto post radiko, ĝi faras novan vorton
sukero
sumo
nombro, en kiu estas aliaj nombroj
suno
la taga varma lampo de la naturo
supo
varma kaj dika malpura akvo
surda
kvalito de tiu, kiu ne povas aŭdi
svingi
movi de dekstre al maldekstre
Ŝ
ŝafo
besto el kies haroj homoj faras vestojn
ŝampuo
akvo por lavi la kapon
ŝanĝi
ŝati
ami per la okuloj, buŝo, nazo aŭ oreloj
ŝipo
naĝanta domo
ŝlosi
fermi la pordon per speciala instrumento
ŝlosilo
la plej malgranda gramatiko en la mondo
ŝranko
ĉambro en ĉambro
ŝtono
tre malmola, forta tero
ŝtrumpo
la plej grava vesto
ŝtuparo
mal-lifto
ŝuo
ŝviti
eligi akvon tra la haŭto
T
t
la kapo de la montraj vortoj
tablo
meblo por manĝi
tapiŝo
mola planko
taso
kafa glaso
teo
flava varma akvo
tegmento
la ĉapelo de domo
telegramo
televidilo
aparato, kiu montras skandalojn
tempo
moderna mono
teni
la mano estas tablo
tendo
domo el tuko
tero
la fundamento de la fundamento de la domoj
tondri
la ĉielo parolas
traduki
el ne esperantaj frazoj fari esperantajn
trajno
rapida tramo kun multa vagonoj
tramo
iranta skatolo kun homoj sur stratoj
tranĉi
fari partojn per tre maldika objekto
trinki
verŝi akvon en la buŝon trinkinto (= drinkinto)
homo, kiu havas fabrikon en la kapo, vidas pli multajn objektojn, kaj la mondo iras ĉirkaŭ li
tro
tre, tre, tre
trovi
revidi la objekton
trunko
la dika parto de la korpo
tuj
post kelkaj sekundoj
tuko
malpura objekto en la poŝo
tuŝi
inter la mano kaj objekto ne estas loko
tuta
mal-parta
U
universo
ĉio, kio estas
universitato
lernejo, kie oni faras doktorojn
ungo
sinjorinoj faras ĝin ruĝa
urbo
parto de lando, kun grandaj domoj kaj multaj homoj
urso
besto, kiu longe dormas en la vintro
V
vagono
ĉambro kun radoj, iras rapide
valizo
vojaĝa skatolo
vangoj
la du molaj ruĝaj partoj de la vizaĝo
varma
kvalito de forno kaj juna koro
vejno
sang-rivero de la korpo
veki
rompi la dormon
vekhorloĝo
horloĝo, kiu staras apud la lito kaj matene faras skandalon
veni
iri, sed kun la okuloj al mi
vendi
doni objekton kaj preni monon
vendejo
loko, kie oni eniras kun mono kaj eliras sen mono
vento
la aero move iras
ventro
la granda maŝino en homo
vera
malfantazia
verbo
vorto, kiu respondas al la demando: kion faras?
verda
la koloro de Esperanto
verŝi
meti akvon
vespero
mal-mateno
vesto
objekto sur homo, kiu faras lin bela
vetero
la plej grava objekto en konversacio
viando
manĝaĵo, la ruĝa kaj mola parto de besto
vidi
bildoj venas en la kapon
vilaĝo
parto de lando kun malgrandaj domoj kaj malmultaj homoj
vino
blanka aŭ ruĝa forta akvo
vintro
malsomero
viro
li-homo
virino
ŝi-homo
vivi
la maŝino en al homo iras
vizaĝo
viziti
iri al via hejmo kaj demandi: ‘kiel vi fartas?’
vojaĝi
iri kaj rigardi landojn kaj popolojn
vojaĝinto
homo, kiu diras fantaziajn historiojn
vojaĝonto
homo, kiu lernas Esperanton
vojo
loko sur kiu iras aŭtoj kaj homoj
voli
deziri
vorto
parto de frazo
vosto
malkapo
vulkano
fajro-monto
Z
zebro
ĉevalo kun nigra strioj
zzz
muŝo kantas tiel