Mi ŝatus esti vidinta patrinvizaĝan rideton

Maria Nazaré Laroca

“Ne faru versojn pri eventoj” –
instruas poet’ Drummond.
Sed al li mi malobeas
pro senvalora naiveco!

En la mondon mi venis maje,
en la pasinta jarcento;
feste en ĝoja mateno
ĉar estis dum feritago.

“Afinecoj, naskiĝtagoj, personaj okazaĵoj ne valoras.”
– plendas poeto Drummond…

Sed mi obstine daŭrigas,
omaĝe al patrintago:
junulino, laboristo,
kun verdaj okuloj tristaj,
pere de Dia  favoro,
malgrandan knabinon naskis,
kaj ŝi ne kreskis ĝis nun.

Juiz de Fora, 12/05/2018.