Hejmo

Multaj verkistoj kontribuis kaj konstante kontribuas al la Esperanta kulturo. Ili ne agas pro ekonomiaj konsideroj, sed male: kreado en Esperanto postulas, ke ili investu multe da tempo kaj rimedoj, kelkfoje eĉ fronte al indiferenta kaj nekomprenema ĉirkaŭaĵo. Ili agas nur pro la amo al la literaturo kaj al la lingvo, kaj sentas, ke ili plenumas gravegan taskon. Oni povas konsideri ilin naivuloj kaj nerealaj homoj, sed dum la tempopaso ili donacis al Esperanto veran, neatenditan trezoron – originalajn kaj riĉajn literaturon kaj poezion, kiuj havas memstaran valoron per si mem en la monda kulturo. Tiu ĉi retejo estas dediĉita al ili. Ĝia celo estas igi iliajn verkojn alireblaj al la vasta publiko.

Do, kiel komenci?

Kio novas?

  • Ĉu vi intencas partopreni en la baldaŭa UK? Do vi estas invitata legi la libron de Markus Gabor – Koreio, la Kongreslando. Bonvolu diskonigi la ligilon inter kongresanoj, kiujn vi konas.
  • 19/06/2017 Pri Esperanto kaj la Somera Tempo – Amir Naor, Eseo pri Esperanto, Revuo Esperanto, Julio-Aŭgusto 2017.
  • 19/06/2017 KLUBO KARAPACO – tradukaro de Hans-Georg Kaiser, Dorothea Kaiser kaj Frank Vohla. La Proceso de Franz Kafka, DJANGO Bildrakonto de Frans Haacken, Trezoro de la Sierra Madre kaj aliaj romanoj de B.TRAVEN, kaj multaj pluaj romanoj.
  • 17/06/2017 Antologio de Spoon River – Poemaro de Edgar Lee Masters, pri fikcia usona vilaĝo nomata Spoon River. Tradukis James Smith. La antologio konsistas el serio de monologoj de mortintaj vilaĝanoj kiuj havis tre diversajn vivojn, pensojn kaj sentojn.
  • 17/06/2017 Kvar poemoj de Josip Pleadin
  • 17/06/2017 Beloka – porinfana bildserio de Liette Lella. Plua bildserio aperos baldaŭ! Atentu tiujn saĝajn bildseriojn!
Abonu vin por ricevi ĝisdatigojn retpoŝte

Alia projekto – pri La retejo Vortojn